ගැටළුව :
සුබ දවසක් වේවා! මම ගොඩක් කල්පනා කළද , එක් එක් අයගෙන ඇසුවද, අද වන තෙක් විශ්වාසවන්ත පිළිතුරක් මට ලැබුනේ නැත. මම ඔබලාගේ සියලුම පෝසට් කියෙව්වා. එව්වා ඇත්තටම ගොඩක් පැහැදිලිව ඉතාමත් සාර්ථක ලෙස ලියා තිබුණා. ඉතින් මම හිතුවා ඔබලා මගේ ප්‍රශ්නය විසඳා ගැනීමට උදව් කරයි කියලා.
මට ගැහැනු ළමයෙකු සිටිිනවා. අපි දෙදෙනාගේ සම්බන්ධෙට දැනට මාස 7 විතර වෙනවා. අප දෙදෙනා මුල සිට කතා බහේ සිට කායික සම්බන්දතා දක්වා අපේ සම්බන්දය ශක්තිමත් කර ගත්තා. අප දෙදෙනා විවාහ වීමට තව අවුරුදු 5 පමණ තිබෙනවා. ඒ නිසා අපි තීරණය කරගෙන තියෙන්නේ විවාහ වන තුරු යෝනි සංසර්ගය සිදු නොකරන බවටයි.නමුත් අපි මාස 2-3 සැරයක් වෙනත් ලිංගික ක්‍රියා වල නිරත වෙනවා. පියොවුරු ස්පර්ශය, ෆින්ගරින්, මුඛ සංස්ගය වැනි ලිංගික ක්‍රියා සිදු කරනවා. කෙසේ නමුත් අපි අපේ සම්බන්ධතාව ශක්තිමත්ව පවත්වාගෙන යනවා.
මේකයි මගේ ප්‍රශ්නය....
1) අපි දෙදෙනා ලිංගිකව එකතු වීම සුදුසුද නැත්ද?
2) අපි විවාහ වීමට කලින් යෝනි සංසර්ගය සුදුසුද නැද්ද?
3) අපි දෙදෙනා මෙලෙස ලිංගිකව එකතු වීමේදී , කාලයක් ගතවන විට මට මාගේ පෙම්වතියද , පෙම්වතියට මාවද එපා වීම සිදු වෙයිද? අපේ සංවේදනා අඩු වෙලා යයිද? ඒ කියන්නේ මෙලෙස නිතර නිතරම ලිංගික ක්‍රියා වල යෙදීමේදී අප දෙදෙනාගේ සම්බන්ධය කැඩී යාමට කොපමණ සම්බාවිතාවක් තියෙනවද ?
මට විශ්වාසයි මට මගේ පෙම්වතියව කවදාවත් එපා වෙන්නේ නෑ කියල. ඒත් මට ස්ත්‍රී පක්ෂය පිළිබඳව වැඩි අවබෝධයක් නැහැ. ඒ නිසයි මට මෙලෙස බියක් දැනෙන්නේ මට මගේ පෙම්වතියව නැති වෙයිද කියලා. ඒ කියන්නේ මෙලෙස නිතර නිතරම ලිංගික ක්‍රියා වල යෙදීමේදී ගැහැනු අය සිතන ආකාරය පිළිබඳව මට දැන ගැනීමට අවශ්‍යව ඇත.
මෙයට සුදුසු පිළිතුරක් ලබා දෙන්න.
දිනෙත්
පිළිතුර:
හිතවත් පාඨකය,
තරුණයකු වන ඔබ සතු මෙවන් ගැටළු සාධාරණ වේග එබැවින් ඔබ හට හැකි තරම් සහය වීමට උත්සහ කරමි.
- ලිංගිකව එකතු වීම සුදුසුද නැත්ද? යෝනි සංසර්ගය සුදුසුද ?
ඔබ දැනටත් බාහිර වශයෙන් ලිංගික ක්‍රියාවන් සිදු කරයි. ඔබගේ පෙම්වතියට ඇති ආදරය නිසාම මෙලෙස බාහිරව හැසෙරන බව මා අනුමාන කරමි. කෙසේ වෙතත් ෆින්ගරින් කිරීම යෝනිය තුළ කරනවා නම් ඇයගේ කන්‍යා බාවය දැනටමත් අහිමි වී හෝ අහිමි වීමේ අවධානමක් පවතියි. කෙසේ වෙතත් ලිංගිකව එක්වීමේ ආදීනව දැනගෙන එක්වීම වඩා වටියි. ගැබ් ගැනීම, සමාජ රෝග, ලිංගාශ්‍රිත රෝග ආදී .... ලිංගිකව එකතු වීම හෝ නොවීම පෙම්වතුන් වන ඔබගේ තීරණයකි. නමුත් මා මෙයට මෙවන් අර්ථයක් දෙන්නම්. විවාහ වීමට සිටින්නේ නම් ලිහන්න තියෙන මල්ල ඔබල බලන එකේ තේරුමක් නෑනේ! නියම වෙලාවටම ලෙහල බලන්න.
- අපි දෙදෙනා මෙලෙස ලිංගිකව එකතු වීමේදී , කාලයක් ගතවන විට මට මාගේ පෙම්වතියද , පෙම්වතියට මාවද එපා වීම සිදු වෙයිද? අපේ සංවේදනා අඩු වෙලා යයිද? ඒ කියන්නේ මෙලෙස නිතර නිතරම ලිංගික ක්‍රියා වල යෙදීමේදී අප දෙදෙනාගේ සම්බන්ධය කැඩී යාමට කොපමණ සම්බාවිතාවක් තියෙනවද ?
ඔබ ලිංගිකත්වය අරමුණු කරගෙනම සම්බන්ධතාවය පවත්වාගෙන යයි නම් කාලයාගේ ඇවෑමෙන් දුරස් වීමක් සිදුවිය හැකිය. එනමුදු ආදරය මුල් කොටගත් සම්බන්ධතාවක් මෙසේ වන්නේ නැත. බාහිර ලිංගික ක්‍රියා වලින් ඔබ දෙදෙනාම තෘප්තිමත් නම් සබඳතාව ශක්තිමත්ව ගෙන යා හැකිය. ඔබ ඖෂධ වර්ග බාවිතා නොකරන්නේ නම් හෝ ඔබට යම් යම් රෝගයන් නොමැති නම් මේ සංවේදනා හෝ ලිංගික ආශාවන් වල අඩුවක් නොවනු ඇත. දිනපතා මෙවන් ක්‍රියා නොකරන්න. මද කාලයක් ඈත්ව සිටින්න. එවිට ඔබ දෙදෙනා අතර නොදැනුවත්වම විශාල විභවයක් ඇති වනු ඇත. එවිට සිදුවන එකතු වීම් සබදතා ශක්තිමත් කරගැනීමට ඉවහල් වනු ඇත.
